Одбраната во „Пулс“ бара ревизија на обвинението и ослободување на лица кои веќе не биле на функција
Одбраната на дел од обвинетите за катастрофалниот пожар во кочанската дискотека „Пулс“ бара Јавното обвинителство да го ревидира обвинителниот акт. Тие инсистираат постапката да запре за оние лица кои во моментот на трагедијата воопшто не биле на функција. Барањето е упатено до стручниот колегиум на ЈО и до в.д. шефицата на републичкото обвинителство, Анита Тополова Исајловска.
Во документот до кој дојде ТВ 24, одбраната директно се повикува на неодамнешната одлука на Обвинителството за гонење организиран криминал и корупција (ОЈО ГОКК). Во тој случај, постапката за полициските службеници беше раздвоена:
Според одбраната, ОЈО ГОКК поднело обвинение за „тешки дела против безбедноста“ само за оние полицајци кои имале непосредни службени обврски во периодот од 14-ти до 16 март 2025 година.
Врз основа на ова, адвокатите бараат повлекување на обвинението за нивните клиенти кои немале директни дејствија или овластувања кога настанал пожарот.
Главните аргументи во иницијативата (согласно член 19 од Законот за ЈО) се дека овие лица:
Судијата Ненад Савевски, кој е и кандидат за републички јавен обвинител, гостувајќи во „24 анализа“, изјави дека е свесен за сомнежите кои се отвориле во јавноста по одлуката на ОЈО ГОКК за полицајците.
Од Јавното обвинителство, пак, за ТВ 24 кратко одговориле дека нема да коментираат таков документ сè додека официјално не го добијат. Дополнително, засега нема одлука дали оваа иницијатива воопшто ќе биде ставена на разгледување пред стручниот колегиум.
