Од двојкаш во средно, до претензии за ректор на Универзитетот „Мајка Тереза“
Меѓу кандидатите за ректор на Универзитетот „Мајка Тереза“ се најде и двојкаш.
Се работи за професорот Блерим Саити кој според објавеното свидетелство од ТВ Клан, втората година во средно не му била најсјајна, па така може да се види дека сите оценки по предметите му се двојки.
Просекот на Саити, кој претендира да застане на чело на Универзитетот, му го крева само една четворка и тоа по ликовно.
Блерим Саити е редовен професор на Факултетот за социјални науки на универзитетот „Мајка Тереза“ во Скопје, а негов противкандидат е Беким Фетаји, редовен професор на Факултетот за информатички науки при истиот Универзитет.
По двојките во средно, Саити дипломирал и магистрирал на Институтот за физичка култура на Универзитетот во Тирана, а докторирал на Факултетот за физичка култура при Универзитетот „Свети Кирил и Методиј“ во Скопје. Неговиот опонент Фетаји пак е информатички инженер, и средното образование го завршил во Гостивар, како ученик на генерација.
Дипломирал на Универзитетот „Свети Кирил и Методиј“ во Скопје, а магистерски студии завршил на Универзитетот „Брукс“ во Оксфорд, додека во Грац, Австрија станал доктор по технолошки науки.
Изборот за нов ректор е во среда, а гласањето е тајно.
