„Од блиски извори дознав дека Белингем сака трансфер во Реал Мадрид“
19-годишниот Џуд Белингем важи за еден од најперспективните фудбалери во Европа, па е желба на најголемите клубови.
Ливерпул долго време се посочуваше како фаворит, но „црвените“ се повлекоа од трката поради високата цена од 150 милиони евра.
Поранешниот тренер на Тотнем, Хари Реднап сега открива дека Џуд Белингем преферира трансфер во Реал Мадрид.
„Слушнав дека сака да оди во Реал Мадрид, ова го дознав од многу, многу добар извор близок до фудбалерот“, вели Реднап.
„Дознав дека преферира трансфер во Реал Мадрид. Се чини дека Ливерпул отпадна од трката, остануваат Манчестер Сити и Челси, но гласините се дека сака да оди во Реал Мадрид“.
