ОД „АЛКАЛОИД“ СТИГНА ВЕСТА ШТО СИТЕ ЈА ОЧЕКУВАА – нето дивиденда од 567 денари по акција,зголемувањето е за 16,67 проценти, инвеститорите среќни, а ќе има и за инвестиции
Од нашиот фармацевтски гигант „Алкалоид“ стигна веста што сите инвеститори ја очекуваа.
А тоа е колкава дивиденда ќе подели ова наше успешно акционерско друштво, кое вчера ја објави висината на својата нето добивка за минатата година, која изнесува безмалку 28 милиони евра.
Компанијата денеска утрово преку Македонската берза за долгорочни хартии од вредност ги објави своите предлог одлуку за кои ќе треба да се изјасни Собранието на акционери за први април оваа година, а меѓу нив секако дека најинтересна е онаа за тоа колкава дивиденда ќе биде поделена.
Одлуки кои треба да ги потврди Собранието на акционери се како ќе се распредели ланската нето добивка од 27,7 милиони евра.
Притоа, предвидено е делот за дивиденда и данок на личен
доход да изнесува 901.752.390 денари или 14,7 милиони евра, а делот од добивката за инвестиции ќе биде 800.817.822 денари или 13 милиони евра.
А, она што е најважна информација за акционерите, е дека бруто дивидендата по акција ќе изнесува 630 денари, додека, пак, нето дивидендата изнесува 567 денари по акција, што е зголемување за 16,67 проценти.
„Во согласност со долгогодишната практика во Алкалоид АД Скопје се предвидува
алоцирање на дел од нето-добивката на компанијата за дивиденда и за персонален данок,
додека, пак, остатокот е за инвестиции.
За распределба се предлага дел за дивиденда и персонален данок на личен доход во износ
901.752.390 денари. Вака распределената нето-добивка овозможува на акционерите да
им биде исплатена дивиденда од 630 денари бруто за една акција што претставува
зголемување од 16,67 отсто во однос на исплатената дивиденда за 2023 година на нето
основа.
Остатокот од добивката во износ од 800.817.822 денари се предлага да се распредели за
инвестиции како поддршка на производствените програми и бизнис потреби, а се со цел
одржување на долгорочниот раст и јакнење на Компанијата“, се вели во предлог одлуките подготвени за гласање за Собранието на акционери.
На акционерите им се исплатува дивиденда за 2024 година во
висина од 567 денари нето, односно 630 денари бруто, за една акција.
Дивидендата ќе биде исплатена во готово на трансакциските сметки на акционерите.
Последен датум на тргување со право на дивиденда за 2024 година е 16.04.2025 година, а прв датум на тргување без право на дивиденда за 2024 година е 17.04.2025 година.
Исплата на дивидендата за 2024 година ќе започне од 14 мај оваа година.
Минатата година на акционерите им беше исплатена дивиденда по акција за претходната година од 540 денари бруто, односно 486 денари нето.
Н.Н.Ф.
