ОД 1 ЈУЛИ ПОСКАПУВА КАФЕТО ВО СРБИЈА: За 100 грама кафе ќе плаќаат 10, 20 или 50 отсто повеќе?

Кафето во Србија наскоро ќе поскапи. Од 1 јули ќе има нова цена. 

Првичните информации кои се појавија навестуваа поскапување за околу 50 отсто, а по неколку дена се зборуваше за поскапување и до 20 отсто, во зависност од брендот на кафето. Тоа би значело дека во најлош случај 100 грама домашно кафе од 1 јули би можело да поскапи за околу 100 динари, додека во ова поумерено сценарио поскапувањето може да биде и до 40 динари за 100 грама кафе. За народ кој годишно троши 4,5 килограми од оваа суровина по глава на жител, ова е голема вест, пишува Блиц. Сè уште нема официјална потврда колку всушност ќе поскапи кафето во Србија, од производителот, но со оглед на тоа дека тоа е омилен пијалок, приказната за новите цени на  кафето брзо се проширија, па ресорниот министер Томислав Момировиќ, истакна дека државата ќе го следи развојот на состојбите и на локално и на глобално ниво. Ресорниот министер Томислав Момировиќ одговарајќи на прашањата на ТВ Блиц во врска со поскапувањето во продавниците за 50 отсто, потврди дека кризата ги тресе синџирите за снабдување со кафе во светот.

foto freepik.com/EyeEm