ОЧЕКУВААТ ДЕКА 2025 ГОДИНА ЌЕ БИДЕ ПОДОБРА: Aлбанија од туризмот заработила четири милијарди евра
Како што објави Централна банка на Албанија., земјата за девет месеци од туризмот остварила рекордни приходи од околу четири милијарди евра. Oчекуваат дека во 2025 година ќе биде подобро.
Во периодот јануари-септември туристичкиот сектор во албанската економија донесе приходи од 3,8 милијарди евра, приближувајќи се на нивото на приходи од целата минатата година, кога изнесуваа 4,2 милијарди евра.
Само во текот на летната сезона, остварен е приход од 1,9 милијарди евра, покажуваат податоците на банката, која проценува дека приходите и расходите во овој сектор се зголемени соодветно за околу 15 отсто.
Податоците потврдуваат дека за 11 месеци Албанија ја посетиле над 11 милиони странски туристи, што е за 1,5 милиони или 15,8 отсто повеќе споредено со истиот период лани. Идната година се очекува подобар резултат во туризмот. Половина милион македонски туристи годинава ја посетиле Албанија.
foto Wikipedia/Kj1595
