Нуркачи бараат жртви во Грција откако поплавата однесе десетици автомобили
Нуркачи во Грција бараат жртви откако поплавата однесе десетици автомобили.
Во Пелион во моментов има нуркачки операции за да се утврди дали има мртви тела во автомобилите кои беа потопени при разорните поплави.
Како што пренесува ertnevs.gr, жителите на Платанијас пријавиле дека виделе десетици автомобили како тонат. Засега освен оштетено возило и бротче, ништо не е пронајдено. Слични истраги се вршат и на други места, како Милина, но и Лефка Кастра. Се наведува и дека во Пелион спасувачите уште трагаат по 35-годишен австриски пар кој исчезна во поплавите, откако водата го однела нивниот бунгалов. Најмалку два дена ќе бидат потребни за да се реши проблемот со поплавата на автопатот Солун – Атина. Бурата Даниел ја погоди Грција, а потоа направи штети и во Либија.
Поплавите во Либија уништија четвртина од градот Дерна.
