НУДИ 1.000 ДИНАРИ САТНИЦА, НО РАБОТНИЦИ НЕМА! Србин во шок зошто никој не се пријавил
Иако чести се поплаките од граѓаните дека едноставно е невозможно да се најде работа, од друга страна, има и работодавачи кои се жалат дека не можат да најдат работници. Дека тоа е вистина, потврдува и објава на група на Фејсбук, во која извесен производител на хумус за растенија зборува токму за оваа ситуација.
Имено, овој производител на хумус истакнал дека се обидувал да најде работници за просејување на хумус од дождовен црв, па дури им понудил и саатница од 1.000 динари (500 денари), но не успеал, јавува „Курир.рс“.
– Не ми требаат постојани работници, но да речеме во одреден период од годината, конкретно сега, има работа за пар луѓе, за десет дена, работата не е тешка, и јас ја работам, како и членовите на семејството, вклучително и мојот 82-годишен дедо. Според моја проценка, тие би можеле да заработат и до 1.000 динари за еден час. Но, никој нема. Што се случува? Нема никој, или има, а тие нејќат да работат. Колкава треба да биде саатницата според вас за не толку тешка физичка работа? – прашал член на група на Фејсбук чија цел е собирање претприемачи.
Имено, набрзо во коментар се огласиле многу негови колеги-претприемачи кои не биле изненадени од ваквата ситуација. Напротив, многумина под објавата посочиле дека често имаат проблем да најдат луѓе за работа.
Но, без оглед на досегашните искуства, многумина се шокирани од фактот што има луѓе кои се жалат дека не можат да најдат пристојна работа, а од друга страна има и такви кои одбиваат да работат за дневница која по осум часа работа, би изнесувала дури 8.000 динари.
Оваа работа вклучува просејување на дождовните црви и нивно ставање во вреќички. Можеш да работиш колку сакаш дневно, а за секој работен час добиваш илјада динари.
– Проблемот е што и самиот велиш дека има работа само 10 дена… па нека е 50 евра на ден, па и тоа не е загарантирано, никој нема да сака да работи лесна физичка работа за 500 евра затоа што тоа значи ништо посебно во нивниот живот не го решава! Ова се работни места за млади, многу млади луѓе на кои им требаат „брзи пари“ за море, телефон и слично. Сега, тешко е да се најде млад човек во вашиот град кој ќе може да го направи сето тоа… да, дека одговара времето, дека ќе и слично – гласи коментарот на еден од членовите на групата.
– 900 динари на час се повеќе отколку што добива архитект со високо образование кога ќе се вработи. И повеќе и премногу од правична и правилна саатница – стои во еден од коментарите.
За каков бизнис станува збор?
Производството на хумус како ѓубриво за растенијата може да се врши на повеќе начини, а еден од нив е употребата на познатите калифорниски дождовни црви.
Станува збор за дождовни црви долги осум сантиметри кои преработуваат картон, талог од кафе, отпадоци од овошје и многу други работи со џвакање и цицање хумус.
Многу експерти велат дека овој хумус од дождовен црв е многу подобар за исхрана на растенијата и дека го надминува секое минерално ѓубриво.
Во текот на есента, дождовните црви се прекриваат со слама или лисја, а на пролет се просејуваат со градинарска лопата низ милиметарско сито.
На овој начин непреработените остатоци подоцна се враќаат на понатамошна обработка.
