Новоматик Македонија одличен пример за општествена одговорност
Јавноста беше позитивно изненадена со веста дека Новоматик Македонија станува спонзор на Фудбалската Федерација на Македонија. Станува збор за првично договорено партнерство за наредните две години во вкупна вредност од 1 милион евра.
Пред само 8 месеци навивачката група на ФК Вардар, „Комити“ објави дека глобалниот лидер во индустријата игри на среќа Новоматик Македонија, во чија групација се светски реномираните брендови Адмирал, Астра и Казино Фламинго, со годишна финансиска инјекција од 1 милион евра ги поддржа амбициите на македонската фудбалска гордост за враќање на старите славни патеки.
Поддршката за професионалниот спорт значи и сериозен придонес во правилниот развој и воспитување на младите. Младите генерации гледаат свои идоли во професионалните спортисти и вообичаено се идентификуваат со индивидуалните и колективни спортски успеси. Затоа, нема никакво сомнение дека Новоматик Македонија со одлуката да стане спонзор и на ФФМ одржува вистинска лекција за тоа како се слушаат потребите на заедницата.
На настанот по повод промоцијата на новото партнерство, Марија Митреска во името на новиот спонзор на ФФМ истакна:
„Новоматик Македонија е силно фокусирана на поддршка на визијата за промовирање на вистински вредности кои ќе создаваат силни и здрави нови генерации кои ќе го носат товарот за градење сигурна иднина. Ова спонзорство не е само општествено одговорна активност, туку демонстрација на заеднички принципи за успех во спортот. Силно веруваме дека поддршката на Новоматик Македонија ќе значи и сериозен чекор напред кон реализација на амбициозните планови на новото раководство на ФФМ за успеси на младинските и сениорските државни репрезентации, но и подигнување на квалитетот на домашните фудбалски првенства“, порача Митреска на последниот настан.
ФФМ го поздрави партнерството со Новоматик Македонија како значајна поддршка за македонскиот фудбал.
„Горди сме што добиваме партнер кој отсекогаш ги поддржува спортските проекти и компанија со општествена одговорност кон фудбалот пред сѐ, но позната и по својата поддршка на заедницата. Оваа соработка не е само спонзорство. Тоа е спој на заеднички амбиции и взаемна желба да се постигне нов резултат за македонски спортски успеси. Ова партнерство е доказ за нашата посветеност, нови можности за нашиот тим и нашите навивачи“, истакна претседателот на ФФМ, Масер Омерагиќ при настанот по повод спонзорство од Новоматик Македонија за Федерацијата.
Настрана од средствата, кои задолжително се слеваат во државниот буџет од приредувачите на игри на среќа за финансиските програми на Агенцијата за млади и спорт, и со оваа многу важна одлука Новоматик Македонија продолжува да го подржува развојот на македонскиот спорт. Оваа групација веќе е спонзор и на ракометниот клуб Вардар, кошаркарскиот клуб МЗТ и фудбалскиот клуб Кожуф. Новоматик Македонија со преку 2 илјади вработени веќе 18 години е присутен во домашниот економски сектро, со години наназад е сигурен партнер на заедницата и во континуитет подржува различни граѓански иницијативи, проекти и реализира бројни хуманитарни и донаторски активности во најзначајните општествени сфери, јавното здравство, спортот и културата.
Врз основа на одредени проценки, досега Новоматик Македонија во активности од јавен интерес има донирано повеќе од 300 милиони денари.
Комерцијална објава
