Ново државно задолжување! За две тригодишни обврзници за камати ќе платиме 6,2 милиони евра
Издадени се две обврзници со рок на доспевање од три години на вкупна вредност од 62,9 милиони евра. Каматата на помалото задолжување е 3,65% и на поголемото 3,9%
Државата позајми 61,9 милиони евра на македонскиот пазар на капитал. Издадени се две нови државни обврзници со рок на доспевање од три години. Обврзниците се котирани на сегментот за тргување со државни обврзници на Македонската берза за хартии од вредност. Купувачи на обврзниците, во најголема мерка, се домашните деловни банки за нив или за нивни клиенти како и инвестициски фондови.
Првата обврзница е на значајно помал износ од втората. Станува збор за задолжување од 10,9 милиони евра на период од три години. Обврзницата на купувачот му носи годишен принос (камата н.з.) од 3,65% и доспева на 17 февруари 2028 година.
Ова значи дека за три години од сега Министерството за финансии како претставник на Владата ќе има обврска да исплати 397.640 евра. Односно на секоја година каматата е 132.547 евра. Секако и главницата и каматата се обврска на сите нас даночните обврзници.
Втората обврзница е со рок од три години и доспева исто на 17 февруари 2028 година. Вредноста на позајмицата што државата ја доби од своите домашни кредитори изнесува 52,02 милиони евра. Годишната камата е 3,9 отсто. Односно 2,029 милиони евра годишно. Или за трите години каматата е 6,086 милиони евра. Тоа значи дека на 17 февруари 2028 година Министерството за финансии на имателите на оваа државна обврзница ќе треба да врати вкупно 58,1 милиони евра.
Вкупно за двете обврзници даночните обврзници по три години од сега треба да вратат 69,14 милиони евра на сега позајмените 62,9 милиони евра.
Н.С.
foto freepik.com/claudiodiv
