НОВИОТ ЈАВЕН ОБВИНИТЕЛ ДА ГО ПРЕИСПИТА ОБВИНЕНИЕТО ЗА „ПУЛС“ Родителите на жртвите не се задоволни со истрагата на Коцевски
Родителите на жртвите во трагедијата во Кочани на денешниот „Марш за ангелите“ побараа новиот јавен државен обвинител да го преиспита целиот предмет и како што велат, „на обвинителна клупа да се најде секој што директно или индитректно придонел за убиството на нашите деца“,
Тие побараа проширување на истрагата, утврдување индивидуална одговорност и јавно образложение од надлежните, зошто одредени лица досега не се опфатени со постапката.
– Државниот обвинител Коцевски поднесе неотповиклива оставка. Оставка што доаѓа предоцна. Затоа што немаше храброст и волја самостојно да го отвори предметот од денот на трагедијата. Наместо вистинска истрага, тој бараше информации од МВР, а постапките што следеа беа насочени кон лица осомничени уште од 2024 година и претходно, додека вистинските носители на моќ и одговорност останаа заштитени – вели мајка на една од жртвите.
Судењето за пожарот во дискотеката „Пулс“ треба да продолжи на 25 декември, кога воведни зборови треба да дадатсопственикот на агенцијата за обезбедување „Рубикон секјурити солушнс“ и претставниците на трите фирми, по што се очекува да има сослушување сведоци.
.
