Нови мерки за тутунарите, нема промена во динамиката на откупот

До 25-ти декември лани, според Инспекторат за земјоделство се откупени 1.350 тони тутун по просечна цена од 302 денари за килограм. Поголемиот дел е проценет како прва, а околу 570 тони од прва и втора класа се предадени по цена од 240 денари. Вкупна вредност на откупениот тутун е 408 милиони денари.

Цените со кои почна откупот беа мали, велат од Министерството за земјоделство, поради што најавуваат повисока финансиска поддршка од претходните години.

Субвенцијата треба да достигне од 100 до 110 денари, зависно од пресметките на крајот од откупот. На постојните 80 денари, државата ќе издвои уште 20 до 30 денари за тутунарите.

Од оваа година тутунарите ќе добијат и стопроцентна поддршка за „зелената нафта“, мерка која досега не ја користеа, како и 6.000 денари поддршка за хектар површина.

Тутунарите ќе плаќаат и помалку за поверениците кои го контролираат откупот на пунктовите. Оваа сума која досега им се одбиваше од предадените количини тутун и наместо 0,35 ќе биде 0,25 проценти.

Со откупните претпријатија се потпишани 29.400 договори за 26.600 тони, но сепак проценките за родот се двојно помоли од лани и изнесуваат околу 13.000 тони тутун.

Методија Трајков