НОВИ 635 СТАНОВИ ЌЕ СЕ ГРАДАТ – статистичарите утврдија намален број на одобранија за градба
Се намалил бројот на издадени одобренија за градба, покажуваат најновите податоци на Државниот завод за статистика.
Имено, во февруари 2025 година се издадени 272 одобренија за градење, што е за 29,7 отсто помалку во однос на истиот месец од претходната година.
Според издадените одобренија за градење, предвидената вредност на објектите изнесува 4.901.041 илјада денари, што е за 44,4 проценти помалку во однос на истиот месец од претходната година.
Од вкупниот број издадени одобренија за градење, 137 или 50,4 отсто се наменети за објекти од високоградба, додека 73 или 26,8 отсто за објекти од нискоградба и 62 или 22,8 проценти за објекти за реконструкција.
Од вкупно 272 објекти, на 122 или 44,9 отсто како инвеститори се јавуваат физички лица, а на 150 или 55,1 проценти објекти инвеститори се деловни субјекти.
Во извештајниот период е предвидена изградба на 635 станови, со вкупна корисна површина од 51.075 метри квадратни.
