Нови 120 еколошки автобуси ќе го модернизираат јавниот превоз
Во завршна фаза е подготовката на тендерот за набавка на 120 нови еколошки електрични автобуси, од кои 80 се наменети за Скопје – иницијатива што произлегува од барањата на Градот и општините, информира вицепремиерот и министер за транспорт, Александар Николоски.
-Јавниот превоз ќе биде на многу попристојно ниво од ова што е сега и очекувам резултатите да бидат до крајот на оваа и почетокот на следната година, нагласи Николоски.
Тој очекува и првата линија на „Градскиот воз” Зелениково – Драчево – Кисела Вода – Аеродром – Центар (Нова железничка станица) да биде во функција до крајот на годинава. Се работи, како што рече синоќа, за голема инвестиција од педесетина милиони евра за сите три предвидени градски линии.
