Новата ракета на Безос конечно лансирана во вселената
Вселенската компанија „Блу Ориџин“ на милијардерот Џеф Безос успешно ја лансираше својата нова ракета „Њу Глен“, по речиси една недела одложувања поради различни проблеми.
Ракетата, именувана по првиот Американец кој орбитира околу Земјата – Џон Глен, полета од лансирната рампа на Флорида што претходно се користеше за лансирање на вселенското летало Маринер и Пионер на НАСА пред половина век, објави АП.
Ракетата Њу Глен, долга 98 метри, носи експериментална платформа дизајнирана да поставува или ослободува сателити во орбитата. За време на овој тест, сателитот останал во втората фаза на ракетата додека орбитирала околу Земјата, а мисијата траела шест часа.
„Њу Глен“ е дизајниран да носи вселенски летала и астронаути во орбитата, како и до Месечината.
Компанијата инвестираше повеќе од една милијарда долари во изградбата на станицата за лансирање, а за таа прилика беше реконструирана и рампата во Флорида, 14 километри оддалечена од центрите на НАСА. Безос истакна дека неговата компанија не ја гледа како конкурент на извршниот директор на компанијата „SpexX“ Илон Маск.
„Blue Origin“ годинава планира шест до осум летови на ракетата „Њу Глен“, а следниот лет се очекува на пролет.
