Новата КФМ избра потпретседател и генерален секретар!
На денешната конститутивна седница прифатен беше предлогот како членови на Управниот Одбор на КФСМ да бидат именувани Александер Павлов, Никола Митревски, Норик Селими, Савица Неделковска, Драган Иванов и Тане Димовски, додека како членови по автоматизам беа прифатени: Боро Смилковски, претставник од Прва лига-мажи, Јордан Цветановски, претставник од Прва лига-жени, Благоја Кечовски, претставник од Втора лига-мажи, Владимир Свртинов, претставник од Трета лига-мажи, Владимир Огњановски, претставник од младински лиги, и Александар Јончевски, како претставник од Здружението на кошаркарски тренери на Македонија.
На предлог на претседателот Главчев, новиот Управен одбор за нов потпретседател го изгласа Младен Ѓуровски, а за нов генерален секретар Томче Стојчевски.
