Новак е елиминиран! Синер му го нанесе првиот пораз на Ѓоковиќ во полуфиналето на Австралија Опен
Новак Ѓоковиќ е елиминиран! За прв пат во кариерата беше поразен во полуфиналето на Австралија опен. Подобар од српскиот тенисер беше Јаник Синер кој победи со 6:1, 6:2, 6:7 (6:8), 6:3.
Првиот светски рекет славеше во претходните десет полуфиналиња во Мелбурн, но овој петок не можеше да му парира на Италијанецот. Со ова беше прекината серијата на Ѓоковиќ од 33 последователни победи на првиот Грен слем сезонава, а тој беше поразен за прв пат по 2018 година.
Ѓоковиќ остана на 24 Грен слем титули, 10 на Австралија Опен. Новак и покрај овој пораз ќе остане прв на АТП листата.
Првиот светски рекет не беше на негово ниво, всушност беше далеку од тоа во првите два сета. Направи премногу грешки, немаше цврстина во неговата игра, а немаше ни емотивна реакција.
Тој успеа да го освои третиот сет, бидејќи во тај-брејкот спаси меч топка на противникот. Сепак, тој повторно киксираше во четвртиот.
Синер , пак, одигра одличен меч – сервираше фантастично, што го потврдува и фактот што на најдобриот повратник на сите времиња не му дозволи ниту една брејк топка. Добро се движеше, погоди силно и прецизно и ја постигна најголемата победа во кариерата.
Ова беше трет триумф на Синер над Ѓоковиќ, бидејќи во претходната сезона постигна два во финалето. Италијанецот покажа дека има игра која може да му парира на првиот рекет на светот и ќе го игра првото Грен слем финале!
Противник на Италијанецот во големото финале ќе биде победникот од дуелот меѓу Даниил Медведев и Александар Зверев.
Новак лошо го започна ова полуфинале – погоди 43 отсто од првиот сервис, направи и две двојни грешки во првиот сет. Србинот во овој период имаше само пет винери и трипати повеќе неизнудени грешки, па не е чудно што претрпе два брејка. Синер делуваше самоуверено, одигра сигурно и убедливо го доби првиот сет.
За прв пат по 2013 година и дуелот со Стен Вавринка, десеткратниот шампион загуби сет со 6:1 на Австралија Опен.
