НОВА ФОРМА НА РЕВОЛТ: Во Хрватска ќе има општ бојкот во петок
Во Хрватска ќе има општ бојкот во петок, а од сабота ќе има целонеделен бојкот на еден малопродажен синџир.
Граѓанката платформа „Ало инспекторе“ најави нов генерален бојкот на сите производи и услуги во Хрватска за овој петок, 7-ми февруари, и еднонеделна блокада на еден малопродажен синџир од сабота.
За тоа кој малопродажен трговски синџир потрошувачите ќе го бојкотираат на седум дена ќе се одлучи врз основа на анкетата објавена од платформата на нејзината веб-страница, која ќе трае до денеска на полноќ.
„Ќе ја затвориме анкетата на полноќ и ќе објавиме во текот на ноќта кој синџир ќе биде предмет на еднонеделен бојкот“, изјави Јосип Клемен, претседател и портпарол на платформата за потрошувачи „Ало инспекторе“.
Вели и дека потрошувачите во Србија, Босна и Херцеговина и Македонија, повторно се приклучуваат на бојкотот, а во тоа се приклучиле и на Косово.
foto freepik.com/prostooleh
