Нова доза шпекулации: Жирона и Осасуна сериозно го следат Барди
Барди во Трабзон дојде за три милиони евра ланското лето и поради кратењето на буџетот Трабзон наводно сака да го продаде, но не по секоја цена, туку најмалку да ги извади вложените пари, иако Барди според последните најави сака да остане и веќе двапати истото му го кажал на тренерот Ненад Бјелица.
Откако Торино понудиле да го земат на заем со опција за откуп идното лето, сега наводно Жирона, која и претходно се споменуваше, како и Осасуна многу внимателно ја следеле ситуацијата со Барди и се заинтересирани за да го земат, но засега конкретна понуда до турскиот гигант нема.
Инаку други медиуми низ Турција, најавуваат дека не се исклучува ни арапска авантура за Барди во клуб во С. Арабија, Обединетите Арапски Емирати или Катар. Пред повеќе од две недели Трабзон одби веќе една понуда од С. Арабија како незадоволителна, откако неименуван клуб понудил 300.000 евра за едногодишен заем.
Барди пет години беше дел од Леванте и играше во Ла Лига откако во летото 2017 година дојде од Ујпешт за само 1,5 милиони евра.
