Нова акција за шверц на луксузни коли: Обвинителството гони уште три лица и двајца службеници од МВР

Основното јавно обвинителство Скопје ја прошири истрагата за големиот синџир за криумчарење луксузни автомобили, поведувајќи постапка против уште три лица за „Криумчарење“ и „Фалсификување исправи“, како и против двајца службеници од управните служби на МВР за „Фалсификување службена исправа“. За тројцата осомничени за криумчарење, Обвинителството побара од судот да им одреди мерка притвор.

Осомничените се дел од претходно разоткриена криминална шема за увоз на скапи возила од странство со фалсификувани документи, за која дел од учесниците веќе се осудени или обвинети.

Според Обвинителството, новите докази обезбедени во вчерашната акција покажуваат дека:

Клучен дел од шемата, според истрагата, биле двајцата службеници во управните служби на МВР, кои се сомничат дека ги изготвиле и издале нелегалните сообраќајни дозволи, овозможувајќи легализација на украдените возила.

За еден од осомничените за криумчарење, кој во моментов е надвор од државата, ќе биде предложена мерка притвор која ќе стапи на сила по неговото пронаоѓање и апсење.