Нов Зеланд бара работници, но имаат услови
И Нов Зеланд има потреба од работници. Нов Зеланд ги олеснува миграциските правила за да привлече нова квалификувана работна сила.
Државата денеска соопшти дека ќе ја зголеми годишната квота на прифат на нови висококвалификувани мигранти и ќе обезбеди побрз пат до обезбедување нивен постојан престој, затоа што богатите земји се натпреваруваат да ги привлечат најдобрите таленти во светот.
„Промените ќе обезбедат да нема ограничувања за квалификуваните мигранти, отстранувајќи ги вештачките ограничувања од стариот систем“, изјави министерот за имиграција Мајкл Вудс.
Новозеланската Влада од октомври, ќе го поедностави својот бодовен систем што го користи при изборот на квалификувани мигранти, забрзувајќи ја проверката на барањата за визи и давајќи им на работниците мигранти поголема безбедност.
Нов Зеланд нема официјално ограничување на годишниот број на квалификувани резидентни визи. Сепак, управува со процесот во таканаречениот распон на планирање што го ограничува бројот за постојан престој. Стапката на вработеност во Нов Зеланд достигна највисоко ниво од 1993 година.
foto Wikipedia/ChewyPineapple
