НОВ ПРОБЛЕМ ЗА КОСОВСКИТЕ СРБИ: Приштина ги менува таблите, нема веќе кирилица
Нов удар ги очекува Србите во Косово. Полицијата ги отстранува таблите на кирилица.
Работници од косовското Министерството за инфраструктура со косовската полиција денеска почнаа да ги отстрануваат таблите на кирилица и да поставуваат нови. Тие се на албански и српски јазик, но на латиница, што се смета за нов удар врз косовските Срби на северот од земјата, пренесува „Косово онлајн“.
Досега имињата на населбите беа испишани на кирилица, а сега на нивно место се поставуваат нови табли од правец на Рудар кон Јариње.
Директорот на Канцеларијата за Косово и Метохија, Петар Петковиќ, по повод отстранувањето на таблите со имињата на местата на северот на Косово испишани со кирилично писмо, изјави дека косовскиот премиер Албин Курти може да се пресметува со кирилицата, но дека не може да ја скрши нераскинлива врска на српскиот народ со својата земја Србија.
„Српската кирилица опстојувала со векови, ќе го преживее и малиот тиранин“, изјави Петковиќ.
Петковиќ на социјалната мрежа „Х“напиша дека тие што знаат само за насилство никогаш нема да знаат што е мирен соживот. Претходно, имаше проблем со укинувањето на српскиот динар.
Специјалниот пратеник на претседателот на Соединетите Американски Држави, Џо Бајден за Западен Балкан, Габриел Ескобар порача дека косовските Срби мора да живеат безбедно и достоинствено, нагласувајќи дека за одговорна ќе се смета Владата на Косово.
