НОВ ПРЕСВРТ: цените на нафтата паѓаат поради очекувањата за смирување на тензиите на Блискиот Исток
Цените на нафтата на светските пазари денеска паѓаат поради очекувањата за смирувањето на тензиите на Блискиот Исток.
Имено, Израел го прифати предлогот за решавање на несогласувањата што го блокираа договорот за прекин на огнот во Појасот Газа, а една од причините е забавувањето на економијата во Кина, што влијаеше на падот на побарувачката на гориво, пренесуваат медиумите.
Во Лондон цената на суровата нафта „брент“ од Северното Море е пониска за 27 центи или 0,4 отсто и сега изнесува 77,39 долари за барел, пишува Срна.
Во Њујорк цената на лесната сурова нафта падна за 21 цент или 0,3 отсто, на 74,16 долари за барел.
„Очекувавме променливо тргување бидејќи сè покажува дека напорите за прекин на огнот во Газа добиваат доволно поддршка за да се постигне договор“, велат пазарните аналитичари.
