Нов напад на ајкула во Египет: Жена остана без раката, фатална грешка на двајца пријатели
Двајца пријатели пливале недалеку од брегот кога еден од нив бил нападнат од ајкула. Жената преживеала и иако не се познати деталите, познато е дека и е ампутирана раката.
Ајкула нападна жена која пливала со пријател во средата на плажата во египетското одморалиште Дахаб, кое се наоѓа во близина на популарниот Шарм ел Шеик. Преплашените капачи побегнале од морето кога го виделе нападот, но итните служби брзо ја извлекле повредената онесвестена жена од морето.
Иако нејзината состојба подоцна беше опишана како стабилна, левата рака мораше да и биде ампутирана во болница, како што пренесуваат медиумите. Ајкулата ја касна за рамо. Несреќната жена и нејзината пријателка, наводно, првично мислеле дека ајкулата е туна, па веднаш не се упатиле кон брегот.
По нападот, властите ја затвориле плажата и тргнале во потрага по ајкулата која на крајот не успеале да ја лоцираат, пренесува Дневник.хр.
Во август, ајкула беше видена како шета низ водите во близина на одморалиштето Дахаб, што потоа доведе до привремена забрана за пливање, која оттогаш беше укината.
Последниот напад на ајкула во египетските води се случи во јуни кога рускиот турист Владимир Попов (23) беше убиен од тигарска ајкула во Хургада.
Исто така, во јули 2022 година, една Австријка и една Романка беа убиени во одделни инциденти јужно од Хургада.
