НОВ ИНЦИДЕНТ НА КОСОВО: Шок бомба фрлена пред кафуле во кое биле пратеници од опозицијата во Косовска Митровица
Нов инцидент на Косово. Шок бомба e фрлена пред кафуле во кое биле пратеници од опозицијата во Косовска Митровица.
Таму биле Александар Јовановиќ Ќута, Данијела Несторовиќ и Мирослав Алексиќ. Тие седеле во кафулето на хотелот ББ во тој град, кога се случил инцидентот, пишува Н1.
Опозициските претставници Мирослав Алексиќ и Александар Јовановиќ Ќута денеска беа во Звечан за да им дадат поддршка на косовските Срби.
Тие посочија дека е последен момент да се реши проблемот на северот на Косово. Додека тие говореа, се слушаа извици на неодобрување од неколкумина собрани.
Србија бара Косово да ги ослободи уапсените Срби, а Приштина бара Белград да ги врати назад тројцата косовски полицајци кои пред неколку дена се уапсени во централна Србија. На Урош Вукашиновиќ, кој во понеделникот е уапсен во Лепосавиќ за наводен напад врз новинари, му е одреден 30-дневен притвор, потврди за Танјуг неговиот адвокат Небојша Влајиќ.
