НОВ БЛОК СО АКЦИИТЕ НА „АЛКАЛОИД“, ПЛАТЕНИ СЕ 58 ИЛЈАДИ ЕВРА – еве колку акции се продадени на познат купувач
Најуспешната фармацевтска компанија во земјава „Алкалоид“ продолжува да биде интересна за инвеститорската јавност.
Покрај постојаниот пораст на цената на редовното тргување, има интерес и за блок трсансакции со акциите на оваа компанија, на која се продаваат одредени мали пакети акции за познати купувачи.
Блок трансакција со акциите на „Алкалоид“ се случила и во текот на вчерашниот ден, а на неа некој платил сума од близу 58 илјади евра за количина од 190 акции.
Поточно, на блок трансакцијата се истргувал мал пакет акции од 190 акции, по цена од 18.650 денари за акција, што довело до вкупна сума од 3,54 милиони денари или 57.600 евра.
Оваа цена на акцијата што се постигнала е повисока од претходните цени кои се постигнаа на неодамнешните блок транскации со акциите на „Алкалоид“, а кои биле 18.000 и 18.400 денари за акција.
На вчерашното редовно тргување, пак, просечната цена која се постигнала со акциите на „Алкалоид“ била уште повисока и изнесувала 18.761 денари, додека, пак, на редовниот пазар биле истргувани количина од 221 акција.
Н.Н.Ф.
