„Носителите во Македонија се пасивни во клубовите, затоа имаме големи осцилации!“

Македонија после Палермо и Порто пред една година тргна наназад со лошиот циклус во Лигата на нации, ама и со неубедливите настапи минатиот месец, кои беа загревање за многу потешките предизвици во „групата на смртта“ во новиот циклус.

„Осцилациите ни се големи. Оваа генерација, која зрееше и создреваше откако се појави на младинското Европско првенство, имаше добри резултати, се качивме на едно повисоко ниво, препознатливо ниво. И тие успеси беа радост за цел македонски фудбал, за цела Македија. Тој потем го искористивме за да направиме резултат, но сега се менува ситуацијата. Во што се менува? Тие што се носители во Македонија, сега ни играат по пет-десет минути во клубовите. Не може еден играч да е пасивен и да не игра, а потоа за Македонија да го даде максимумот. Тоа е неспоиво. Затоа за жал имаме осцилации, а и победите изостанаа“, прокоментира Дончевски за македонската репрезентација во интервјуто за МТВ.

Дончевски беше првиот македонски селектор под чија палка почна да се гради македонската селекција, кога во октомври годинава ќе наполни 30 години од воведниот меч во Крањ со триумфот со 4-1 против Словенија, како прв на нашиот национален тим по независноста со распадот на бивша Југославија.