НОЌЕСКА ВО ЗАГРЕБ БИЛ УБИЕН ТОМИСЛАВ САБЉО – кој е тој и зошто го гонеа хрватските органи на прогонот
Томислав Сабљо синоќа беше убиен во ноќен клуб во Загреб. Тој беше уапсен и обвинет во акцијата Тебра како еден од водачите на криминалната организација која шверцувала дрога, палела автомобили и наплатувала долгови.
Сабљо, Томислав Сучиќ и уште 17 лица кои се поврзани со синџирот на шверц на дрога од Албанија и Црна Гора, преку Босна и Херцеговина до Хрватска, беа уапсени во јули 2019 година во голема полициска акција.
УСКОК се сомнева дека Сабљо и Сучиќ собрале група во Хрватска, Босна и Херцеговина, Црна Гора и Албанија од мај 2016 до средината на мај 2019 година со цел набавка и шверц на марихуана.
Марихуаната најпрвин била складирана во близина на Љубушки во Босна и Херцеговина, а потоа со помош на граничен полицаец била транспортирана во Хрватска. Полицајката наводно учествувала во испораката на дрога на муштериите во Дугопоље или во Вргорац им ја предавала на членовите на групата кои ги превезувале во Загреб и Купинц.
Дрогата потоа ја продавале на други препродавачи и на овој начин, осомничените од УСКОК, во Хрватска биле прошверцувани најмалку 15,7 тони марихуана.
Наводните водачи на групата организирале и набавка на 1.335 грама кокаин, со што вкупно заработиле најмалку 84,6 милиони куни.
Сабљо и Сучиќ се обвинети и дека биле поврзани со Вулетиќ и шестмина обвинети кои запалиле најмалку четири автомобили и „подготвиле напад на најмалку едно лице, сокриле најмалку еден украден автомобил и незаконски наплатиле долг од најмалку едно лице“.
„УСКОК во обвинителниот акт предложи на обвинетиот да му се одземе незаконски стекнатата имотна корист, при што за двајца од обвинетите беше предложено продолжена конфискација на имотна корист. За шестмината обвинети беше предложено и продолжување на притворот“, соопштија од обвинителството.
Деблокирани средства
Во јули 2021 година на обвинетите во аферата Тебра им беше одблокиран имот вреден 10 милиони куни, за нарко-бизнисот од кој наводно заработиле дури 84,6 милиони куни, бидејќи обвинението не било потврдено во рок од две години.
Повторно заврши во затвор
Поради Тебра, Сабљо е во Реметинац (затвор во Хрватска) од јули 2019 година. Излегол на 2 декември 2021 година.
Томислав Сабљо (40), откако беше ослободен од притворот во кој беше кога беше уапсен во акцијата „Тебра“, повторно два пати беше приведен. Првиот пат во декември 2021 година, ниту една недела откако го напушти Реметинац, а вториот пат во септември 2022 година. Во двата случаи се вратил зад решетки поради изнуда или обид за изнуда, пишува Вечерњи лист.
Првиот пат повторно бил уапсен поради сомнение дека се обидел да изнуди 77-годишен старец, а вториот пат се заканувал на 33-годишен маж и неговото семејство.
Извор и фото. Индекс.хр
