Нивото на мраз на Антарктикот драстично опаѓа, научниците се во шок: „Се случи ненадејна и критична промена“

Дали е достигнато најниското ниво за оваа година ќе се знае за недела или две

Трета година по ред, покриеноста со морскиот мраз на областа околу Антарктикот паѓа под 2 милиони квадратни километри, а тоа е прагот што од почетокот на сателитските мерења во 1979 година, за прв пат беше пробиен дури во 2022 година. , пишува Гардијан, пренесува Јутарњи.

Последните податоци на американскиот Национален центар за податоци за снег и мраз потврдија дека во изминатите три години е забележана најмала количина на морски мраз низ целиот континент.

Ова, велат научниците, е уште еден во низата докази за „промена на режимот“, како што е наведено од најновото истражување кое сугерира дека морскиот мраз околу Антарктикот претрпел „ненадејна критична промена“.

Морскиот мраз на Антарктикот го достигнува најниското годишно ниво во февруари, во екот на летото на јужната хемисфера. На 18 февруари оваа година, покриеноста со морскиот мраз падна на 1,99 милиони квадратни километри, а на 21 февруари беше 1,98 милиони. Најнискиот рекорд, поставен во февруари 2023 година, беше 1,78 милиони квадратни километри.

Дали е достигнато најниското ниво за оваа година ќе се знае за недела или две.

„Најниското ниво што било забележано било во последните три години“, вели Вил Хобс, експерт за морски мраз од Универзитетот во Тасманија.

Научниците во шок

Нивото на морскиот мраз на Антарктикот е на својот врв секој септември, но минатогодишното највисоко ниво беше најниското забележано, па дури и научниците беа шокирани од тоа колку малку мраз се формирал во текот на минатата година.

Ледената покривка малку закрепна во декември кога повторно почна замрзнувањето, но потоа се врати на ниското ниво што е сега.