Ниту едно барање за азил оваа година не е одобрено во Македонија
Македонија оваа година нема позитивно одговорено на ниту едно барање за азил. Ова го истакна министерот за внатрешни работи, Панче Тошковски, посочувајќи дека земјата останува само транзитна рута, а не крајна дестинација.
Министерот презентираше податоци кои укажуваат на континуиран опаѓачки тренд во мигрантските текови низ територијата на државата.
Тој појасни дека статистиката покажува видливо намалување на бројот на илегални мигранти кои транзитираат низ земјава од година во година, што според МВР е резултат на зајакнатите гранични контроли и регионалната соработка.
