НИСКИ ПЛАТИ: Десет големи хрватски фирми исплаќаат околу 600 евра

Десет големи хрватски фирми исплаќаат плати од околу 600 евра. 

Меѓу 1.000 најголеми хрватски компании според приходите во изминатата година, десет се издвојуваат со навистина ниските плати што им ги исплаќаат на своите работници.

Податоците на Финансиската агенција откриваат дека во овие десет фирми работат околу 5.000 луѓе, што значи дека исто толку семејства веројатно едвај врзуваат крај. Според одлуката на Владата на Република Хрватска, минималната плата за 2023 година изнесувала 700 евра бруто или 560 евра нето.

Почнувајќи од оваа година, минимумот е 840 евра бруто или приближно 680 евра нето месечно, објави Даница.хр.