Николоски вели не го препознава Таравари – од АА порачаа Николоски и другите како него да се отрезнат и да размислат
Потпретседателот на ВМРО-ДПМНЕ, Александар Николовски истакна дека не го препознава лидерот на Алијанса за Албанците, Арбен Таравари односно дека тој познава еден друг Таравари кој што не е истиот што го гледа на интервјуа.
„Не знам што е причината, дали е за нешто уценет, дали има нешто што не го знаеме. Се спомнуваат многу работи во политичката чаршија но не би сакал да шпекулирам“, вели Николоски.
Од Алијанса за Албанците денес го повикаа Николоски и другите како него да се отрезнат и да размислат, бидејќи лидер на македонската опозиција според анкетите на ИРИ е Никола Груевски.
„Ги повикуваме Николоски и другите како него да се отрезнат и да размислат, бидејќи лидер на македонската опозиција според анкетите на ИРИ е Никола Груевски. Тоа се должи на нереформираната партија во нејзината идеологија и кадровско управување и ова е срам за македонската политичка сцена. Вие сте виновници за изолацијата на земјата овие 10 години, правејќи ја неиздржлива за живеење и за над 700 000 раселени луѓе. За среќа, вашата реторика замина во азил и со овој пристап останувате фактор на нестабилност за Северна Македонија.“, велат од партијата.
