Никој не сака да се потпише за Томе Николовски, само тој има нула потписи
Гордана Силјановска Давкова добила 28029 потписи, а Стево Пендаровски 21852 потписи. Државната изборна комисија ги соопшти бројките до полноќ.
„Дозволете ми во лично име и во име на ВМРО-ДПМНЕ да се заблагодарам на секој граѓанин кој го даде својот потпис за кандидатурата на професорката Гордана Силјановска Давкова. Историски најголем одзив досега, собрани се над 28.000 потписи за помалку од 12 часа“, рече портпаролката на ВМРО-ДПМНЕ Марија Митрева.
Според податоците од ДИК, во овие пет дена, ниту еден потпис нема за кандидатот Томе Николоски. Потпис за подносителите на кандидатура за претседател на државата оставиле вкупно 108 409 граѓани.
До петок трае собирањето потписи од граѓаните за кандидатите за претседател на претстојните избори.
На листата кандидати кои ги собраа потребните 10 000 потписи, изминатите денови се најдоа и кандидатот од СДСМ Стево Пендаровски и кандидатот на ВМРО-ДПМНЕ Гордана Силјановска.
Кога подносител на листа на кандидат за претседател е група избирачи, потребно е да се соберат најмалку 10.
000 потписи од запишаните избирачи во Избирачкиот список, додека кога подносител на листа на кандидат за претседател се пратеници, потребно е да се соберат најмалку 30 потписи од пратениците.
Учесниците на изборите, листите со кандидати за претседател на државата треба да ги достават до ДИК најдоцна до 19 март, на полноќ.
Двете најголемите политички партиии решија да атакуваат по фотелјата на „Вила Водно“ со ист претседателски кандидат како во 2019 година.
Инаку, во истите овие подрачни канцеларии и одделенија на Државната изборна комисија во кои граѓаните се потпишуваат за претседателските кандидати, може да се изврши и увид во Избирачкиот список и да се поднесе барање за впишување, промена или испишување. Увид во избирачкиот список граѓаните може да извршат и на интернет страната на Државната изборна комисија.
Претседателските избори во првиот круг се одржуваат на 24 април, а вториот круг на 8 мај.
