НЕЗАВИСЕН СИНДИКАТ НА ПОЛИЦИЈАТА РЕАГИРА: Не добиле плата на први, бараат тоа да се исправи и да стане непишано правило земањето плата на почеток на месецот
„Во време кога платите во полицијата се далеку од достоинствени и значително заостануваат зад земјите од регионот, упатуваме реакција во врска со прекршувањето на децениската практика истите да се исплаќаат на првиот работен ден во месецот, се веливо реакцијата на Независниот синдикат на полицијата објавена на социјалните мрежи.
„ Свесни за законски утврдениот рок за исплата на плата до 15ти во месецот, добивањето на плата на првиот работен ден од месецот на вработените во полицијата им нуди одредена стабилност и сигурност, како и можност за планирање на своите плати кои не нудат комодитет за покривање на трошоците повеќе од еден месец.
Сметаме дека во период кога нема пари за покачување на платите, ова дополнително ќе влијае на мотивацијата и посветеноста на вработените и бараме истата да биде задржана како добра практика и непишано правило во иднина“, пишува во реакцијата.
