Незадоволни граѓани се жалат од услугите на Македонски пошти
Граѓаните револтирани се жалат дека пратките што ги чекаат преку пошта не стигаат, а и тие што ќе стигнат се со многу задоцнет рок. Сметаат дека поштарите ги носат пратките само кога сакаат. Тие велат го користат модерното време и технологиите за да нарачаат разновидни и евтини производи од Интернет, но наместо да ја добијат пратката, ги губат нервите и времето обидувајќи се да дознаат каде заглавила и зошто не пристигнала пратката согласно рокот.
Нарачав чевли од 4.000 денари од Кина преку Алиекспрес.Оттаму ми кажуваат дека уште од Декември се во Македонија, а трипати доаѓав во пошта кај нас и ми кажуваат дека не се тука.Кога дојдов четвртиот пат и почнав да се расправам со нив ги пронајдоа чевлите.-вели револтирана граѓанка.
Потенцираат дека тој проблем се случува на долг рок и постојано се повторува. Вината ја бараат во македонските пошти и бараат надлежните да го решат овој проблем.
Надлежните признаваат дека има мал недостаток на персонал и за тој проблем тие велат дека наоѓаат алтернативни решенија.
Имаме голем број на старосна структура на вработени кои заминуваат во пензија, а имаме и одлив на вработени по основ отказ од работа на сопствено барање и тоа го решаваме со тоа што ангажираме договорни поштари кои извршуваат работни задачи.-вели Боро Велигденов-Претседател на синдикатот на Македонска пошта
Во врска со неодамнешните промени на услугите на цените надлежните велат дека тоа е согласно растот на инфлацијата.
Инаку во октомври имаше протест на вработените од македонски пошти поради неисплатена плата за септември.
