Најавеното невреме од запад, навлезе на територија на Македонија. Како што веќе најавивме, ќе бидат зафатени западните и север-западните делови од Македонија.

Во овие моменти јужно од Кичево нестабилност проследена со пороен дожд.

„Јужно од Кичево нестабилност со можна појава на поројни врнежи од дожд и појава на град ,правец на движење е кон Кичево“, информираат од УХМР.

МЕТЕО ПРЕДУПРЕДУВАЊЕ

Денес ќе дува умерен до засилен јужен и југоисточен ветер. Под влијание на атмосферски фронт во попладневните и ноќните часови ќе биде нестабилно со пороен дожд и грмежи, наместа во форма на невреме со интензивен дожд за кратко време (над 20 л/м2 за 6 часа), силен ветер, поинтензивни електрични празнења и услови за појава на град.

ВРЕМЕТО УТРЕ

Претпладне променливо облачно со услови за локален краткотраен пороен дожд и појава на грмежи. Попладне облачноста ќе се намали и ќе преовладува сончево и посвежо време со умерена облачност. Ќе дува слаб до умерен, а во западните делови засилен ветер од западен и северозападен правец. UV=8

Во Скопје претпладне променливо облачно, а попладне облачноста ќе се намали. Ќе дува слаб до умерен ветер од северозападен правец.