НЕВРЕМЕ ВО СЛОВЕНИЈА: Падна град со големина на топче за голф
Страшно невреме ја зафати Словенија каде падна град со големина на топче за голф.
Жителите на Словенија на социјалните мрежи објавија фотографии од град со големина на топче за голф, а некои топчиња беа со дијаметар од дури шест сантиметри.
„Делови од Словенија беа зафатени од силно невреме, пропратено со врнежи од дожд, налети на ветер, а на места падна и град со големина на орев. Поради невремето издадено е портокалово метео предупредување за североисточна и централна Словенија“, пишува 24 часа.
Покрај силниот ветер и врнежите, невремето повторно донесе и силен град во Словенија со големина на топче за голф. И метеоролозите се изненадени, стои во написите.
Се повикуваат возачите во Словенија да возат внимателно и да не застануваат под надвозници и во тунели.
Ова лето и во Србија паѓаше град со големина на топче за голф.
