Невообичаено силна песочна бура во Суецкиот канал (ВИДЕО)

Необична песочна бура околу Суецкиот канал затвори две пристаништа. Некои делови на Египет се зафатени од облаци од прашина и песок, пишува Би-Би-Си.

Едно лице загина, а пет други се повредени во четвртокот кога се урна билборд во песочната бура што го зафати египетскиот главен град Каиро.

Исклучително високи температури се забележани низ земјава. Сепак, песочната бура предизвика пад на температурата во Каиро за 7 степени, достигнувајќи 32 степени Целзиусови. Слаб дожд беше забележан и во повеќе области.

Се очекува времето да остане правливо. ЕМА очекува температурите во Големиот Каиро, Долниот Египет и северниот брег да се спуштат од просечните 40 во текот на денот на околу 30 во сабота.