НЕВЕРОЈАТНО: Најскапиот квадрат во стан во стара зграда во Белград е платен 7.500 евра

Цените за квадрат во српската престолнина Белград се навистина високи. 

Најскапиот квадрат во стан во стара зграда во првата половина од 2024 година е платен 7.500 евра, за стан во белградската општина Стари Град, пишуваат српските медиуми. 

Највисоки просечни цени на становите во старите згради се токму на подрачјето на главниот град, во општините Стари град, Врачар, Савски венац и Нови Белград.

Последната анализа на Републичкиот геодетски завод (РГЗ) покажува дека просечната цена на старите згради во Србија во првата половина од 2024 година изнесувала 1.665 евра за метар квадратен стан, што е за 12 отсто повеќе во однос на истиот период лани.