НЕТО НАДВОРЕШНИОТ ДОЛГ Е ЗГОЛЕМЕН: Koлку должи државата?
Нето надворешниот долг на земјава е зголемен за 109 милиони евра.
На 30. јуни 2024 година, нето надворешниот долг на Македонија изнесува 4.481 милион евра, што е 30,8 отсто од проектираниот бруто домашен производ (БДП). Според податоците објавени од Народната банка, во вториот квартал од 2024 година, нето надворешниот долг се зголемил за 109 милиони евра, односно за 2,5 отсто.
Структурата на надворешниот долг покажува дека приватниот нето-долг продолжува да има поголемо учество, со 64 отсто од вкупниот нето-долг. Исто така, во текот на вториот квартал, негативната нето меѓународна инвестициска позиција (МИП) е зголемена за 185 милиони евра, достигнувајќи 8.622 милиони евра, што претставува 59,2% од проектираниот БДП за 2024 година.
