Нермин Сулејмановиќ откако уби тројца луѓе во Градачац упаднал на бензинска
Откако ги уби сопругата Низама Хеќимовиќ, таткото и синот, Џенгиз и Денис Ондер, а ги рани Харис Ондер, Недим Памуковиќ и еден полицаец, Нермин Сулејмановиќ од босанскиот град Градачац, возел до бензинската пумпа со БМВ-то на Џенгиз.
Потоа упаднал на бензинската и наполнил полн резервоар гориво, пишува Аваз.
„Кога наполнил гориво влегол во бензинската пумпа, ја скршил вратата и земал литар вода. После тоа се стрчал кон фармата во Леденица Доња“, изјавил сведок за „Аваз“.
Вработениот на бензинската станица е во шок.
„Се разбира дека беше шокиран, можете само да замислите како изгледаше Сулејмановиќ откако уби толку луѓе“, изјавил сведок од улицата Хаџифендија во центарот на Градачац.
Сулејмановиќ се самоуби кога полицајците го опколија.
Во неколку градови на Босна и Херцеговина(БиХ) се одржуваат граѓански протести против насилство, поради тројното убиство во Градачац. Граѓаните бараат објаснување како повторно дојде до фемицид.
Низама Хеќимовиќ (38), жртвата на Сулејмановиќ, денеска е погребана на гробиштата до џамијата во Мионица кај Градачац.
