НЕМАЛ ВОЗАЧКА ДОЗВОЛА, А ПРЕДИЗВИКАЛ СООБРАЌАЈКА: Македонски државјанин е уапсен во Хрватска
Македонски државјанин e уапсен во Хрватска oткако без возачка дозвола предизвикал сообраќајка, се превртел и удрил во карпа.
Две лица се полесно повредени во несреќата што се случи вчера околу 16 часот и 40 минути на подрачјето на Лабин. Несреќата се случила кога 32-годишен македонски државјанин управувал автомобил со пулски регистарски таблици, без возачка дозвола, од правец Лабина кон Раша, пренесува „Глас Истра“.
Поради непрописна брзина, возачот преминал на спротивната страна од коловозот, каде директно се судрил со камион со пулски регистарски број, кој од спротивната насока го возел 45-годишен маж. Од силината на ударот, автомобилот се превртел и удрил во карпите. Во незгодата полесно се повредени двајцата возачи. Граѓанин на Северна Македонија е уапсен ќе биде предаден на надлежниот Суд поради прекршоци од Законот за безбедност на сообраќајот на патиштата.