Нема среќа Нејмар – тукушто се врати, пак се повреди

Вечерва Ал Хилал играше против Естегал во азиската Лига на шампиони, а Нејмар го одигра првиот меч во ова натпреварување. Влезе во игра во 58. минута на местото на Ал Хамдан, но не го дочека крајот на натпреварот. На три минути пред крајот на основните 90, Бразилецот мораше да го напушти теренот поради повреда, веројатно на задната ложа.

Се уште нема информации за состојбата во која се наоѓа тој, но од неговиот израз на лицето и солзите на очите можеше да се заклучи дека повторно станува збор за тешка повреда. Нејмар пред две недели се врати на фудбалските терени по едногодишната пауза поради тешка повреда, тренерот ја дозираше неговата минутажа, но очигледно уште не бил максимално подготвен.