„Нема преживеани, ова беше темна ноќ во Вашингтон“: Трамп зборува за сударот на воениот хеликоптер и авионот

Американскиот претседател Доналд Трамп зборува од Белата куќа по авионската несреќа во Вашингтон.

„Ова е час на големо страдање за нашата нација“, рече Трамп на почетокот на своето обраќање

Потоа потврди дека нема преживеани во авионската несреќа.

„Во тек е масовна операција за пребарување и спасување. За жал, нема преживеани. За жал, жалиме по една нација со секоја скапоцена душа што ни беше одземена“, рече тој.

Трамп тогаш рече дека трагедијата што се случи потресе многу луѓе. Во свое име, но и во име на сопругата, тој изрази сочувство до семејствата на жртвите.

„Не знам што доведе до оваа несреќа, но имаме многу силни мислења и идеи. Јас лично ќе се погрижам тоа никогаш да не се повтори“, рече новоизбраниот претседател.

Да потсетиме, несреќата се случи синоќа кога авионот со 64 лица се судри со воен хеликоптер Блек Хок со тројца војници и се урна во реката Потомак додека се обидуваше да слета на аеродромот Роналд Реган во близина на Вашингтон.

Американските власти соопштија дека нема преживеани.