„НЕМА ПОЛИТИЧКА АГЕНДА“: Мицкоски за законските измени за намалување на прагот на репрезентативност на Синдикатите
Нема никаква политичка агенда во намалување на прагот на репрезентивноста на синдикатите, туку тоа е резултат од разговорот на последната средба со сите синдикати, изјави премиерот, Христијан Мицкоски, кој одговараше на новинарско прашање, зошто со законски измени се намалува условот за репрезентативност на синдикатите.
– Тоа беше резултат од разговорот од последниот пат кога бевме со сите синдикати, заедно дека имаме два синдикати реално во Македонија, коишто се на терен и тие два синдиката за да нема кој е внатре, кој не е внатре, па за да нема кој има резпрезентативност, кој нема, сите да бидат во рамките на Економско-социјалниот совет и да има еден дијалог, којшто таму ќе се случува внатре.
Така што тоа не е нешто коешто е некаква политичка агенда – изјави Мицкоски одговарајќи на новинарско прашање.
Фактор денес објави дека до македонското Собрание доставен е предлог закон со кој се намалува од досегашните дест отсото од вкупниот број на вработени во земјава, синдикалните здруженија во иднина ќе можат само пет отсто од вкупниот број на вработени да бидат репрезентативни.
Законот се менува на предлог на група пратеници од владејачката коалиција и тие веќе ги имаат доставено предлог измените во Законот за работни односи.
Воедно денеска Мицкоски на одбележувањето 80 години постоење на Завод за статистика одговарајќи на новинарско прашање во однос на очекувањата за растот на БДП споредено со другите земји од Европа посочи дека очекува да бидеме меѓу првите земји по економските резултати. „
– Очекувам конечно и првиот квартал од оваа година да покаже едно консолидирање, да бидеме во првите пет-шест, би рекол економии во Европа, во првиот квартал според процентот од Бруто домашниот производ на раст, да речеме би се задржал на онаа бројка што од порано ја имам комуницирано, помеѓу три-четири проценти, но да видиме деновиве, претпоставувам ќе се објави и таа бројка – посочи премиерот.
Фото: Архива
