НЕМА ПОЛЕТУВАЊЕ ОД АЕРОДРОМИТЕ ВО БЕРЛИН И ХАМБУРГ – вработените бараат повисоки плати
На аеродромите во Берлин и Хамбург, работниците од обезбедувањето и персоналот што не е во летови денеска стапија во еднодневен штрајк поради ниските плати.
Прес-службата на аеродромот Берлин-Бранденбург објави дека се откажани сите полетувања, но и дека некои слетувања ќе бидат променети откако членовите на синдикатот Верди стапија во штрајк.
Вработените во приватната компанија AHS, која обезбедува услуги за пријавување, качување и изгубен багаж на голем број авиокомпании, вклучително и Луфтханза на аеродромот во Хамбург, исто така стапија во еднодневен штрајк, јавува Ројтерс.
Аеродромот во Хамбург рече дека не се очекува да влијае на пристигнувањето или летовите што ги оперираат други компании.
The latest in a series of German labor disputes could halt flights from Berlin’s airport on Monday https://t.co/F33NCNIu2l
— Bloomberg (@business) April 22, 2023
Минатата недела штрајкови ги погодија аеродромите во Дизелдорф, Хамбург, Келн-Бон и Штутгарт.
Синдикатите на авиокомпаниите организираа некои од најголемите штрајкови во последните децении во Германија, барајќи повисоки плати поради зголемените трошоци за живот.
Фото: Принтскрин/Твитер
