НЕКОГАШ СТАНДАРДЕН ДЕЛ ОД ОПРЕМАТА НА СЕКОЈ АВТОМОБИЛ ИСЧЕЗНУВА ОД УПОТРЕБА – еве за што се работи

Интересна статистика пристигнува од Велика Британија. Поради драматичен пад на бројот на автомобили опремени со резервни тркала, патролите на Кралскиот автомобилски клуб (RAC) беа принудени да интервенираат во речиси 200.000 ситуации во текот на 2022 година, додека бројките пред пандемијата покажуваат дека тој број бил близу 165.000.

Во меѓувреме, појавата на тешки електрични возила, чии конструктори настојуваат да ја намалат масата на секој чекор (и со отстранување на резервните тркала), а мора да најдат и доволно простор за големи батерии, значи дека бројот на возила со резервни тркала ќе се намали дури и повеќе во иднина.

Дали возите некој од овие модели? Проверете кои автомобили можат да одат најмногу на резерва, а кои најмалку

Според RAC, прегледани се спецификациите на повеќе од 300 различни модели кои денес се продаваат во Велика Британија. Од 28 марки, само осум од нив опремиле некои од нивните модели со стандардно резервно тркало, а за многу модели резервното тркало било достапно само на одредени варијанти.

Односно, известува b92, само 2,6 отсто од моделите имале стандардно резервно тркало.