Неизвесен изборот на нов народен правобранител

Иако собраниската Комисија за избори и именувања минатата недела ја утврди одлуката Фатон Сељами да биде предложен за народен правобранител неговиот избор се доведува во прашање бидејќи е потребен голем Бадентер. Ќе обезбеди ли власта доволен број гласови од немнозинските заедници за сега останува под знак прашање. Од ВМРО-ДПМНЕ велат дека оваа институција има свои заменици и дека институцијата функционира.

Но се чини дека токму при гласањето со Бадентерово мнозинство голема е веројатноста дека изборот ќе се блокира, бидејќи од опозицијата не се согласуваат со изборот на Сељами за народен правобранител. Халил Снопче од Алијанса за Албанците кој е дел од Европскиот фронт вели дека се предлага партиско решение и дека одлуката ја донеле без консултација со нив.

Фатон Сељами на Комисијата за избори и именувања беше утврден како кандидат за избор на народен правобранител и тој е предлог на координаторот на ВРЕДИ Беким Ќоку. Досегашниот омбудсман Насер Зибери ја напушти оваа позиција поради заминување во пензија.