Неделен ред на автобуси за 8 Септември – Жичницата нема да работи
Јавното сообраќајно претпријатие Скопје информира дека по повод државниот празник 8 Септември – Денот на независноста, автобускиот превоз ќе се одвива по неделен возен ред.
Во недела (07.09.2025), дежурни ќе бидат билетарниците и центрите за персонализација на Транспортниот центар и на Зелениот пазар. Во понеделник (08.09.2025), дежурна ќе биде билетарницата и центарот за персонализација на Транспортниот центар.
Жичницата ќе работи вообичаено за време на викендот, во сабота и недела, со работно време од 10:00 до 20:00 часот. Последното возење од подножјето кон врвот е во 19:30 часот, а последното возење од врвот надолу е во 19:45 часот. На 8 септември (понеделник), Жичницата нема да работи.
Од ЈСП потсетуваат дека секој понеделник и последен вторник во месецот се неработни денови за Жичницата.
