НЕ ЗЕМАЛЕ ПЛАТА ЗА НОЕМВРИ: Скоро 20.000 работници чекаат пари за сработеното
Речиси 20.000 работници не земале плата за ноември.
Директорката на Управата за јавни приходи (УЈП), Сања Лукаревска, соопшти дека речиси 10.000 работодавци не исплатиле плати за ноември, за околу 20.000 работници.
„Поднесени се конечни пресметки од 60.400 работодавци што се однесуваат на 535.636 вработени. Оттука, прифатени неисплатени конечни пресметки се однесуваат на 4.441 работодавец за 10.921 вработено лице. А, има неподнесени и неприфатени пресметки за 5.534 работодавци, кои се однесуваат на 9.680 вработени лица“, изјави Лукаревска.
Во споредба со октомври, кога имало 541.467, бројот на вработени е намален за 6 илјади.
Лукаревска претходно најави дека во иднина ќе се стави одредба во Законот за даночна постапка со која ќе може да се објават јавно оние компании што не им исплаќаат плати на своите вработени. Секој месец има одреден број на работодавци кои не исплатиле плати на вработените.
foto freepik.com
